Биыл мемлекеттік рәміздеріміздің қабылданғанына 30 жыл толды.

Биыл мемлекеттік рәміздеріміздің қабылданғанына 30 жыл толды. Еліміздің Ата Заңымен қатар, рәміздеріміз де мемлекеттің төл құжаты десек артық айтпаған болар едік. Мемлекеттік рәміздер ұлттық бірегейліктің қалыптасу тірегі және әрбір мемлекеттің дамуының ажырамас бір бөлігі болып табылады. Осыған орай 10-сынып білім алушылары арасында «Мемлекеттік рәміздер-мақтанышым» тақырыбында дөңгелек үстел өткізілді. Дөңгелек үстел жұмысы еліміздің Гимнін айтудан басталып, мемлекеттік рәміздердің қабылдану тарихына тоқталып, деректі фильм көрумен жалғасын тапты. Сондай-ақ, Қазақстанның абыройын әлемдік ареналарда асқақтатып жүрген мектеп-гимназиямыздың мақтанышы, жас муай-тайшы Қанат Алижаннан сұхбат алынды. Жиын соңында білім алушылар біздің рәміздеріміз – рухымыз, ар-ожданымыз деген байлам жасады.